O pontés Xosé María López Fernández gaña o concurso de relatos da Deputación da Coruña
"O fío do tempo" está ambientado no mosteiro de Monfero e foi seleccionado entre 104 propostas
CRISTINA ARIAS / EL PROGRESO
9/18/20251 min read
Xosé María López Fernández, das Pontes, vén de ser elixido gañador da 13ª edición do concurso #hoxeescriboen, «Relatos para viaxar polos concellos da provincia da Coruña», convocado pola Deputación da Coruña.
A obra, O fío do tempo, está ambientada no mosteiro de Monfero e conquistou ao xurado do premio pola súa intensidade literaria e pola capacidade de mergullar o lector nun ambiente arrepiante que recrea o lugar como un espazo maldito, cunha linguaxe poderosa, descricións líricas e unha estrutura narrativa que se mantén firme ata o final, segundo explican dende a Deputación.
Xosé María López vén de estrearse no mundo literario coa súa ópera prima, a novela Terror Mortis, que autoeditou baixo o pseudónimo de X. M. Ferro Formoso.